För de Lüüd, de mi een beeten kennt, un de, de mi nich kennt avers wat över mi weeten wüllt.

1970

Negenteinhunnertsöbenti heff ik bi de Firma Topalow anhüürt, as Chef för de Planung, geef ook mier too verdeen. Topalow, soo heeten de Hüüs, kunns na'n loopen Meter kööpen. förgeeven wier nur de Breed. Un allns ut eene Hann: Plaan'n, Verkööpen, Behöörnkraam un't Buun.

De Lüüd käm too mi, ik heff mit eer toosomen een Grunriss uutklabüstert, doorför würr inne anne Afdeeling de Kööpverdrag uuthannelt, de Buuandrags schreeven.

Ik weit ni, ass vorfeel Huusentwürf ik skizziert heff, över tusind sass, wenn ook nich all buut wörn.
Mit de Finanzen un dat Buun buuten haar ik nix too doon, liekers röpen de Buuherrn jümmers öfter an, wier jo de ierst, mi deen de snakt harrn, de ook naa Fieravend an't Telefon güng.

Mier un mier güng dat doorüm, dat see in Förleistung treen schulln, heit för Arbein betooln schulln (un hefft), de nok goorni uutföört wiern.

Dat see mi banni naa'n Sneballsystem uut, doormit wull ik nix too doon hebb'n, heff fun hüüt aff morrn künnigt un mi
Negenteinhunnertsöbenti selfstänni maakt, ierst inne Waanung, inne Marlistraat, 
Tweunsöbentig mit'n Kontor inne Roostraat.